Әріптестік байланыстарды нығайту, тәжірибе алмасу
Бүгін біздің колледжге Батыс Қазақстан облысындағы аудандық МКҚК Сырым колледжінің өкілдері келді!
Кездесудің басты мақсаты – екі оқу орны арасындағы әріптестік байланыстарды нығайту, тәжірибе алмасу және болашақтағы бірлескен жобаларға негіз қалау. Білім беру мекемелері арасындағы меморандум – бұл ынтымақтастықты арттырып, білім сапасын жақсартуға бағытталған маңызды қадам.
Алдағы аптада электромонтаж жұмыстары бойынша тәжірибе алмасады. Worldskills стандарттарына сай жүргізілетін бұл тәжірибелік жұмыстар студенттердің кәсіби дағдыларын шыңдауға үлкен мүмкіндік береді.
Колледждер арасындағы осындай өзара іс-қимыл білім беру саласын дамытуға, болашақ мамандарды сапалы дайындауға серпін береді!