Жұмысшы мамандық жылы аясында «Өзенмұнайгаз» акционерлік қоғамымен тәжірибе алмасу,

Жұмысшы мамандық жылы аясында 2025 жылдың 29 мамыр күні О.Тұрмағанбетұлы атындағы Маңғыстау индустриалды техникалық колледжіне «Өзенмұнайгаз» акционерлік қоғамының Корпоративтік оқу орталығының өкілдері арнайы іссапармен келді.

Кездесудің басты мақсаты – тәжірибе алмасу, кәсіби білім беруді дамыту және жұмысшы мамандықтарының беделін арттыру. Бұл шара өндіріс пен білім беру ұйымдары арасындағы өзара байланысты нығайтып, студенттердің болашақ кәсіби бағытын анықтауға мүмкіндік берді.

Кездесу барысында:

• Қонақтар колледждің материалдық-техникалық базасымен, оқу шеберханаларымен танысты;

• «Өзенмұнайгаз» АҚ Корпоративтік оқу орталығының мамандары өндірістегі оқыту бағдарламалары мен заманауи технологияларды енгізу тәжірибесімен бөлісті;

• Екі тарап өндірістік тәжірибе, мамандар даярлау бағыттарында серіктестік орнату туралы ұсыныстарын ортаға салды.

Кездесу соңында колледж әкімшілігі мен кәсіпорын өкілдері алдағы уақытта да бірлескен жобалар мен білім беру бағытындағы серіктестікті жалғастыруға уағдаласты.

Бұл кездесу – өндіріс пен білім берудің өзара ықпалдастығын көрсететін нақты қадам болды. Жастардың кәсіби дамуына бағытталған осындай байланыстар жұмысшы мамандықтарының маңызын арттырып, олардың болашағына сенімді жол ашады. 

•